ನಲ್ಮೆಯ ಗೆಳತಿ,
ನಾನು ಈ ದೇಶ ಬಿಟ್ಟು
ಬಹು ದೂರ ಹೊರಟಿರುವೆ.
ಮತ್ತೆ ನನ್ನ-ನಿನ್ನ ಭೇಟಿ
ಆಗದೆ ಹೋಗಬಹುದು.
ನಮ್ಮ ಸ್ನೇಹ ಅಮರ
ನಿರ್ಮಲ ಪ್ರೇಮ ನಿರಂತರ
ಒಡನಾಟದ ಸವಿ ನೆನಪು
ಚಿರ ನೂತನ.
ನಿನ್ನಿಂದ ನಾನೀಗ ಬಯಸುವುದು
ನೂರು ರೂಪಾಯಿ ನಗದು!
ನೀನು ಅದಕ್ಕೆ ತಯಾರಿಲ್ಲದಿದ್ದರೆ
ಹತ್ತಾದರೂ ಕೊಡು, ಒಂದಾದರೂ ಕೊಡು
ಕೊನೆಗೆ ಒಂದು ಪೈಸಾನಾದರೂ
ನೀ ಕೊಡಲೇ ಬೇಕು.
ಬರಿಗೈಯಲ್ಲಿ ಮಾತ್ರ ಕಳಿಸಬೇಡ.
ಇರಬಹುದು ನನ್ನ ಬಳಿ ಲಕ್ಷ ರೂಪಾಯಿ
ನನಗರಿವಿದೆ, ನಿನ್ನ ನೂರು ರೂಪಾಯಿ
ನಿನ್ನವರಿಗೆ ಮೀಸಲೆಂದು.
ನನ್ನದರಲ್ಲಿ ನಿನಗೆಷ್ಟು ಬೇಕಾದರೂ
ಕೊಡಲು ನಾ ಸದಾ ಸಿದ್ಧ.
ಆದರೂ… ನೀ ನನಗಾಗಿ
ಒಂದು ಪೈಸಾ ಕೊಡಲಾರೆಯಾ?
ನೀ ಕೊಟ್ಟರೂ, ಬಿಟ್ಟರೂ, ನಾ ಹೊರಟೆ
ಅನಂತರ, ಕೊನೆಯವರೆಗೂ
ಕೊರಗುವುದು ಬೇಡ, ಗೆಳತಿ…
ಯೋಚಿಸು… ನಿರ್ಧರಿಸು.
*****
೨೬-೧೦-೧೯೯೦
Related Post
ಸಣ್ಣ ಕತೆ
-
ಮುಗ್ಧ
ಆಲೀ........ ಏ ಆಲೀ........ ಐಸಮ್ಮ ಮಗನನ್ನು ಎಷ್ಟು ಜೋರಾಗಿ ಕರೆದರೂ ಆಲಿಯಿಂದ ಉತ್ತರ ಬರಲಿಲ್ಲ. ಒಂದು ಕಡೆ ಕತ್ತಲೆಯಾಗುತ್ತಾ ಬರುತ್ತಿದೆ. ಬೀಡಿ ಕಟ್ಟುಗಳನ್ನು ಸಂಜೆಯ ಒಳಗೆ ಬ್ರಾಂಚಿಗೆ… Read more…
-
ಏಕಾಂತದ ಆಲಾಪ
ಅಂದು ದಸರೆಯ ಮುನ್ನಾದಿನ ಮಕ್ಕಳಿಗೆಲ್ಲಾ ಶಾಲಾ ರಜೆ ದಿವಸಗಳು. ಅವಳು ಕಾತ್ಯಾಯನಿ, ಒಂದು ತಿಂಗಳಿಂದ ಆ ಪಟ್ಟಣದ ಪ್ರಸಿದ್ಧ ನೇತ್ರಾಲಯಕ್ಕೆ ಅಲೆಯುತ್ತಿದ್ದಾಳೆ. ಎರಡೂ ಕಣ್ಣುಗಳು ಪೊರೆಯಿಂದ ಮುಂದಾಗಿವೆ.… Read more…
-
ಕೂನನ ಮಗಳು ಕೆಂಚಿಯೂ….
ಬೊಮ್ಮನಹಳ್ಳಿ ಸಂತೆಯಿಂದ ದಲ್ಲಾಳಿಗೆ ಸಂಚಾಗಾರ ಎಂದು ನೂರು ರೂಪಾಯಿ ಸೇರಿ ಒಂದು ಸಾವಿರದ ಒಂದುನೂರು ಕೊಟ್ಟು ತಂದ ’ಚೆನ್ನಿ’ಕರುಹಾಕಿ ಮೂರು ತಿಂಗಳಲ್ಲಿ ಕೊಟ್ಟಿಗೆಯೊಳಗೆ ಕಾಲು ಜಾರಿ ಬಿದ್ದದ್ದೆ… Read more…
-
ಜೋತಿಷ್ಯ
ತಮಿಳು ಮೂಲ: ಕೊನಷ್ಟೈ "ನೀವು ಏನು ಬೇಕಾದರೂ ಹೇಳಿ, ನನಗೆ ಜ್ಯೋತಿಷ್ಯದಲ್ಲಿ ನಂಬಿಕೆ ತಪ್ಪುವುದಿಲ್ಲ. ಅದರಲ್ಲಿಯೂ ರಾಮಲಿಂಗ ಜೋಯಿಸರಲ್ಲಿ ಪೂರ್ಣ ನಂಬಿಕೆ"ಎಂದಳು ಕಮಲಾ. ಸಮಯ, ಸಂಧ್ಯಾ ಕಾಲ.… Read more…
-
ಅಹಮ್ ಬ್ರಹ್ಮಾಸ್ಮಿ
ಬಹುಶಃ ಮೊದಲ ಬಾರಿ ನಾನು ಅವನನ್ನು ನೋಡುತ್ತಿರಬೇಕು. ಅವನು ಅಕಸ್ಮತ್ತಾಗಿ ನನ್ನ ಕಣ್ಣಿಗೆ ಬಿದ್ದನೋ, ಅಲ್ಲಾ ಅವನೇ ನಾನು ಕಾಣುವ ಹಾಗೆ ಎದುರಿಗೆ ಬಂದನೋ ಎಂಬ ವಿಷಯದಲ್ಲಿ… Read more…